Ви го претставуваме www.modernism.mk (www.northmacedonia.architectuul.com), датабаза на македонската модерна архитектура.

Воспоставувањето на сајтот modernism.mk е поттикнато од недостатокот на онлајн ресурси посветени на македонската архитектура и македонските архитекти. Додека интернетот го револуционизираше пристапот до информации, присуството на македонските архитекти и нивните дела во интернет просторот е незначително. Наша цел е да го исправиме овој дисбаланс и да обезбедиме вредните објекти и нивните архитекти да го добијат признанието што го заслужуваат.

modernism.mk ќе послужи како платформа за промовирање и вреднување на македонското архитектонско наследство. На почетокот ќе се фокусираме на Скопје, од причина што Скопје има посебно значење како град модел за македонската архитектура, особено поради неговата пост-земјотресна обнова и меѓународната солидарност што ја доби во тој период. Постепено, ќе го прошириме нашиот опсег за да ги опфатиме и другите градови, со цел да направиме целосна, комплетна дигитална архива на македонската модерна архитектура.

Веб-страницата е резултат на проектот „Заборавени ремек-дела – ФОМА“, финансиран од програмата Креативна Европа. Партнери во овој проект беа Architectuul, Contineo 2020, Docomomo Germany и Kaunas 2022.